خـلاص يعني ؟!

خلاص يعني كل شَيّ انتـهى وراح
خـــــــلاص يعني مـا بقينـا حــبايـب
يعني وعودك كلها كانـت مْـــــزاح
والاّ انت ما لك في المحبّه رغــايب
وين العهود ووين لحظات الافراح
يعني تلاشت مع هبـوب الهــــبايـب
القلب بعدك من له اليـوم يرتــــاح
من بعد ما هو في محبّتْـك ذايـــــب
ياما على شانك تحمّلت الاجـــراح
وياما جروحي من صدودك عطايب
سرقتني عن جملة النـاس يا صـاح
والفكـر عنـدك ماخذنّـه نـــــــهايـب
خِلّك يحبّك يا بَعَـدْ سِيْـد المْــــــلاح
إن رحت عنّه راودنّـه مصـــايـب
خَلّك معه دام الهوى حيل نضّــاح
والواش رِدّه يا هوى البال خايــب
لسمو الشيخ : حمدان بن محمد "فزّاع"